Það er eiginlega ekki hægt að koma bara í eina nótt til Ísafjarðar. Bærinn er enda umluktur náttúruperlum sem þarf að skoða, fjallaskörðum sem þarf að ganga, fjörðum sem þarf að róa. Ljósmyndirnar taka sig heldur ekki sjálfar, onei, það þarf að hafa aðeins fyrir þeim svo eitthvað sé í þær varið.

Hvað sem því líður eigum við nokkur herbergi laus á neðangreindum dagsetningum og gefum alveg svakalega góð kjör gegn því að þið stoppið allavega tvær nætur. Morgunmaturinn er innifalinn sem og þráðlausa netið, eins og alltaf.

Smáa letrið: Við rukkum við bókun, og tilboðið gildir ekki með öðrum tilboðum.

Maí

Gildir 6.-10. maí, 13.-18. maí, 21.-24. maí og 27.-31. maí.

Eins manns herbergi í tvær nætur kr. 28.000.-með morgunverði

Tveggja manna herbergi í tvær nætur kr.  35.500.- með morgunverði

Júní, júlí og ágúst

Gildir: 25.-27. júní; 2.-5., 17.-19. og 29.-31. júlí; 5.-10. og 23.-29. ágúst.

Eins manns herbergi og morgunverði í tvær nætur kr. 38.200.-

Tveggja manna herbergi og morgunverði í tvær nætur 46.500.-

Fyrir fólk á ferðalagi eru helgarnar alveg eins og virku dagarnir. Vakna seint, fá sér morgunmat og skella sér svo út í ævintýri dagsins. En að einu leyti eru helgarnar þó frábrugnar; þú getur gist á hótelinu okkar fyrir lægra verð en annars, allavega ef þú ert á ferðinni á neðangreindum helgum. Tilboðið gildir ef þú gistir minnst tvær nætur og lofar að byrja að segja á helginni í staðinn fyrir um helgina.

Morgunmaturinn er innifalinn, sem og þráðlausa netið og endalaus bílastæði alveg ókeypis. Gildir ekki með öðrum tilboðum og greiðist við bókun.

Gildir: 18.-20. maí 

Eins manns herbergi í tvær nætur með morgunverði og kvöldverði kr. 35.000.-

Tveggja manna herbergi í tvær nætur með morgunverði og kvöldverði kr. 25.000.-  á manninn

Vortilboð til Ísafjarðar 2012

Vorferð fyrir eldri borgara til Ísafjarðar í maí. Ferðin er kjörin fyrir þá sem vilja gera sér dagamun í faðmi fjalla blárra.

Gist er á Hótel Ísafirði, í hjarta bæjarins. Hótelið er búið góðum og þægilegum herbergjum sem öll eru með sérbaði, útvarpi, sjónvarpi og kaffisetti. Lyfta er í húsinu.
Veitingastaðurinn við Pollinn, á fyrstu hæð hótelsins, er notalegur og þar er boðið upp á ríkulegan morgunverð og góða kvöldverði. Stutt er í alla þjónustu og það er gaman að spássera um miðbæinn, skoða búðir, rölta niður að höfn eða virða fyrir sér gömlu húsin á Eyrinni sem mörg hafa verið gerð listilega upp.
Þeir sem vilja láta dekra frekar við sig geta pantað hársnyrtingu, hand- eða fótsnyrtingu, nudd eða annað á stofum bæjarins.

Dagsetningar: Í apríl og maí.
Lágmark 10 manns.

Innifalið:Flug til og frá Reykjavík
Gisting og morgunverður í þægilegum herbergjum á Hótel Ísafirði í þrjár nætur
Tveir kvöldverðir á notalegum veitingastað Hótels Ísafjarðar þar sem útsýni er yfir Pollinn.
Akstur til og frá flugvelli á Ísafirði
Morgunganga alla morgna fyrir þá sem þess óska
Skoðunarferð í rútu um nágrenni Ísafjarðar með leiðsögn
Skoðunarferð í Safnahúsið á Ísafirði sem er staðsett í gamla sjúkrahúsinu. Á leiðinni verður kirkjan og altaristaflan „Fuglar himinsins“ skoðuð. Í Safnahúsinu verðu saga hússins rakin. Einnig komið við í Mánagötu 5, sem áður hýsti elliheimili og þar á undan sjúkrahús bæjarins.
Spilavist eða upplestur úr bókum sem tengjast svæðinu eftir kvöldmat eitt kvöldið ef óskað er eftir því.

Leiðsögumaður á Ísafirði Kristín Karlsdóttir.

Nánari upplýsingar:

Allar nánari upplýsingar um dagsetningar og verð á Hótel Ísafirði í síma 456-4111.

Í veitingasalnum er frábær matur, þar sem lögð er áhersla á að nýta sem mest úr vestfirskri náttúru.

Margir skemmtilegir möguleikar eru á alls konar dægradvöl og uppákomum fyrir gesti sem vilja slaka á eftir amstur dagsins. Aðdráttarafl staðarins og vonin um að fundagestir fari ánægðir heim eru einnig mikilvægir þættir. Þeir sem halda fundi á Ísafirði eru sammála um að það sé öðruvísi upplifun að koma til Vestfjarða.

Við erum með ferðaskipuleggjendaleyfi (og ferðaskipulagningarreynslu), en verði verkefnið stórt fáum við einhverja stærri með okkur í lið. Þar er af nógu að taka hér fyrir vestan eða fyrir sunnan ef það á betur við. Það þarf að skipuleggja dagskrá, velja og bóka dægradvöl, auk þess að annast akstur gesta til og frá flugvelli eftir þörfum. Allt þetta getur orðið tafsamt fyrir fundarstjórann sem líklega vill einbeita sér að innihaldinu frekar en ytri þáttum fundarins.

Svo er hér einfalt tilboð sem hægt er að bóka beint af kúnni (ef svo má segja): Gisting í eina nótt, morgunverður, tveir hádegisverðir, óvissukvöldverður og fundaraðstaða með öllum helstu tækjum í 2 daga. Auk þess hressing og kaffi á fundartíma kr. 23.000.- á mann.

Hafðu samband og kannaðu möguleikana.